Kíkið á lögin á tónlistaspilaranum

Nú eru lögin að tínast inn eitt af öðru. Þetta var aðeins meira vesen en ég hélt, því ég vildi fá lögin inn í réttri röð og með réttu nafni, en þetta tókst að lokum. Njótið vel. Kv, Joe

Lagalistinn

Loksins kominn með CD með lögunum, - og kasettu !

Fékk líka þessa fínu sendingu í dag frá honum Marinó. Í umslaginu frá honum var diskur með Lexíu-lögunum ásamt viðbótum og kassetta með "ballprógramminu". Fyrir þá sem ekki vita, þá er kassetta svona hylki utan um tape sem sett er í þar til gert apparat og svo er ýtt á Play ! Ég verð að verða mér út um svona tæki til að geta hlustað á kassettuna En ég læt hérna fylgja með myndir af albúminu framhlið og bakhlið ásamt lagalistanum. Skemmtilegt. Ég er svo að vinna í því að rippa lögin á MP3 form og setja þau inn í tónlistaspilarann á síðunni. Kv, Joe

 

 

 

 

 

 

 

 

 

Smá breytingar á heimasíðunni

Ég mátti nú bara til með að gera smá breytingar á síðunni. Setti inn skoðanakönnun, tónlistaspilara og eitthvað fleira. Bjó líka til banner með "logoinu". Sem sagt; smá andlitslyftingu fyrir síðuna. Kv, Joe

Fyrsta æfingin hjá LEXÍU

Fékk senda þessa líka fínu mynd í morgun. Þarna má sjá þá félaga Marinó og Jón Sverris í einhverju hörku gítareinvígi, mjög einbeittir á svip. Ekki var mannmargt á þessari fyrstu æfingu en eins og kellingin sagði; "það er ekki magnið sem skiptir máli, heldur gæðin". Ég hygg að þetta sé nýja heimili þeirra Jóns og Jóhönnu sem er í Rvk.

Jæja strákar !

Hvernig er það, þurfum við ekki að fara að ákveða einhverja helgina í "æfingabúðir". Koma saman t.d. á Laugarbakka eða Blönduósi (út á landi til að vera í friði), og æfa eina helgi. Hittast á föstudagskvöldi, róta og taka létta æfingu. Æfa síðan vel allan laugardaginn og eftir atvikum á sunnudegi. Skipuleggja þetta vel svo tíminn nýtist vel. Ef við ákveðum þetta með góðum fyrirvara þá ættu allir að geta verið lausir og tekið frá helgi í þetta. Sniðugt, ekki satt. Kv, Joe

Dagskrá Húnavöku 2008 lítur dagsins ljós

Var að lesa frétt á Húnahorninu um Húnavöku 2008. Þar er auðvita hljómsveitin LEXÍA fyrst upp talin í flottri dagskrá sem á að vera þarna.  Kíkið á þessa frétt. Kv, joe

Góðar fréttir

Ég átti langt og skemmtilegt samtal við Marinó í kvöld. Hann var með þær fréttir að Axel trommari væri í fínu formi og kominn með sett til að æfa sig á. Ekki að spyrja að þessum Miðfirðingum. Það verður gaman að hitta kallinn og taka lagið saman. Nú er bara að fara að huga að æfingabúðum og mæta hressir og kátir. Þá las Marinó upp fyrir mig lagalistann og ekki get ég nú sagt annað en flest þessara laga hljómuðu strax í eyrum mér bara við það að heyra nöfnin á þeim. Hljómborðið er á leið í hús og ég þar með orðin klár. Húnavaka, Hvammstangi, Patreksfjörður, Ásbyrgi, bara að nefna það. Joe